Sloopmelding

Betingsten

Wannear dogge jo in sloopmelding?

Jo dogge in sloopmelding as:

• by de sloop mear as 10 m³ ôffal frijkomt;
• jo asbest ferwiderje by de sloop.

As it giet om in gebou fan foar 1994, moat dêr in asbestynventarisaasjerapport foar opsteld wurde. In asbestynventarisaasjebedriuw kin nei ynspeksje sa'n rapport foar jo opstelle. Sjoch foar in sertifisearre bedriuw by jo yn de buert op de webside fan Stichting Certificatie Asbest www.ascert.nl

Jo kinne foldwaan mei in sloopmelding sûnder asbestynventarisaasjerapport, wannear't jo partikulier binne en jo ferwiderje:

• net mear as 35m² skroefde, hechtbûne asbesthâldende (golf)platen (gjin dakleien);
• net mear as 35 m² asbesthâldende fliertegels of net-lime asbesthâldende flierbedekking;
• asbesthâldende blombakken of los asbesthâldend plaatmateriaal.

Jo meie dizze materialen sels ferwiderje en jo meie it asbest ynleverje by de Miljeustraat.

Tink derom: materiaal dat op asbest liket, moat as asbest behannele wurde.

Wannear hawwe jo in omjouwingsfergunning nedich?

Soms hawwe jo yn stee fan de sloopmelding in omjouwingsfergunning nedich:

• by sloopwurksumheden oan in ryksmonumint;
• as de sloop yn striid is mei it bestimmingsplan.

Wannear hoege jo neat te dwaan?

Jo hoege neat te dwaan as:

• as by de sloop minder as 10 m³ ôffal frijkomt en as jo by de sloop gjin asbest ferwiderje;
• as de sloopwurksumheden gjin ryksmonumint oanbelangje.
• as it slopen net yn striid is mei it bestimmingsplan.

Tink derom: materiaal dat op asbest liket, moat as asbest behannele wurde.

Oanfraach

Hoe dogge jo in sloopmelding?

Jo dogge in sloopmelding fia it Omjouwingsloket online (OLO). Dit moatte jo minimaal fjouwer wiken fan tefoaren dwaan. Tagelyk mei de sloopmelding moatte jo, as it nedich is, it asbestynventarisaasjerapport yntsjinje.

Fiif dagen ynstee fan fjouwer wiken fan tefoaren:

• as jo as partikulier maksimaal 35 m² skroefde hechtbûne asbesthâldende materialen, net-lymde of asbesthâldende blombakken of los asbesthâldend plaatmateriaal per perseel ferwiderje, moatte jo de melding op syn lêst fiif dagen fan tefoaren dwaan;
• bedriuwen dy't yn it ramt fan reparaasje- of mutaasjeûnderhâldswurksumheden oan in asbesthâldende tapassing yn in gebou sloopwurksumheden útfiere.

Brief mei akkoart

Jo ûntfange in brief as jo sloopmelding akkoart is. Foar partikulieren dy't sels harren (asbesthâldende) sloopmateriaal nei de Miljeustraat bringe, jildt dat sy dizze brief meinaam hawwe moatte.

Kosten

Oan de sloopmelding binne gjin kosten ferbûn. Foar in omjouwingsfergunning betelje jo leges.