Twaspan, Waskemar

Bywurke op: 14-01-2026

De eardere basisskoalle De Twaspan yn Wynjewâlde is in pear jier lyn fusearre en ferhuze nei it njonkenlizzende gebou De Sinnewizer. Tegearre mei Pleatslik Belang is ôfsprutsen om it eardere skoalterrein fierder te ûntwikkeljen foar wentebou. 

Yn Wynjewâlde is grutte ferlet fan nije wenten. Mei de sloop fan de skoalle en de bou fan acht nije twa-ûnder-ien-kapwenten wurdt hjirmei foldien. De gemeente wie eigner fan it terrein. Yn it foarjier fan 2024 is de planproseduere trochrinne om de bestimming fan it gebiet te wizigjen foar nijbou. 

Planning

Lotting

Op tongersdei 2 oktober 2025 fûn yn it gemeentehûs fan Beetsterzwaag de earste offisjele lotting plak foar projektmjittige kavels yn de gemeente Opsterlân. 

Notaris mr. Cor van Dijk ferrichte de trekking, yn oanwêzigens fan wethâlder Marcel van Opzeeland en Tineke Dreijer fan Pleatslik Belang Wynjewâlde.

Ut de fjirtjin ynskriuwers kamen Toeck B.V. en Bou- en Oannimmingsbedriuw G. de Haan & Zn B.V. as winners út de lotting. De bedriuwen hawwe direkt nei de trekking de keapoerienkomst tekene.

F.l.n.r.: Tineke Dreijer (PB Wynjewâld), Gerrit Jan de Haan (Bou- en Oannimmingsbedriuw G. de Haan), wethâlder Marcel van Opzeeland, Dennis Heins (Toeck).

Kavels

De kavels lizze op de eardere skoallokaasje It Twaspan yn Wynjewâlde en binne bestimd foar de bou fan acht wenten, ferdield oer twa kavels:

  • Master Geertswei: kocht troch Toeck B.V.
  • Welfingstrjitte: kocht troch Bou- en Oannimmingsbedriuw G. de Haan & Zn B.V.
  • It giet om twa-ûnder-ien-kapwenten mei in maksimale keapsom fan €405.000.

Mear ynformaasje