Wolstân

Wolstân giet oer it uterlik fan bouwurken en de omjouwingskwaliteit. 

Miljeufergunning

As jo bouwe of ferbouwe wolle, hawwe jo faak in omjouwingsfergunning nedich. Ek moatte jo foldwaan oan ridlike easken fan wolstân. De gemeente hat fêstlein hokker easken hja stelt oan bouwurken. Dit binne easken oer it uterlik fan in gebou. Dat moat oantreklik wêze en yn de omjouwing passe.

Mear ynformaasje oer de wolstandseasken yn Opsterlân fine jo yn it ûndersteande dokumint (pdf).

Advys troch Hûs en Hiem

Hûs en Hiem is in ûnôfhinklike advyskommisje dy't bouplannen foar ûnder oare Opsterlân op wolstân toetst. Mear ynformaasje oer Hûs en Hiem fine jo hjir: www.husenhiem.nl.

Gearkomste Hûs en Hiem

Fergunningfrij

Fergunningsfrije bouwwurken toetst de gemeente net foarôf op wolstân. Mar dochs meie dizze bouwwurken net yn earnstige mate yn striid wêze mei ridlike easken fan wolstân. As dat wol sa is, dan is it foar de gemeente mooglik om hjirtsjin op te treden en sa oan de net winske situaasje in ein te meitsjen.

Sneltoetscriteria

In soad lytse inisjativen binne fergunningsfrij. Der binne lykwols ek lytse inisjativen dêr't troch de gemeente wol in omjouwingsfergunning foar frege wurdt. It giet hjirby om inisjativen dy't nettsjinsteande harren beheinde maat en skaal in behoarlike romtlike ynfloed hawwe. Tink hjirby oan inisjativen dy't dúdlik sichtber binne fan 'e strjitte ôf of harren ôfspylje op in hoeke wêrtroch't it inisjatyf fanút meardere rjochtingen prominent yn byld is. Troch yn dizze gefallen konsekwint omtinken te jaan oan it ûntwerp bliuwt de leefomjouwing foar elkenien moai en leefber. 

Foar lytse inisjativen dy't in soad foarkomme en dêr't in omjouwingsfergunning foar nedich is, binne sneltoetscriteria opsteld. Hjirmei wurdt it fergunningentrajekt ferienfâldige en fersneld. Foar de ûndersteande sân soarten inisjativen binne sneltoetscriteria opsteld:

  1. Byhearrende bouwwurken:
    • oan- en útbouwen foarkant;
    • oan- en útbouwen sydkant;
    • frijsteand bygebouwen sydkant.
  2. Kozynen- en gevelwizigingen;
  3. Dakkapel;
  4. Erfafskieding;
  5. Technyske ynstallaasjes/opwek duorsume enerzjy.
  6. Flaggenmêsten bedriuwsterrein;
  7. Erfafskieding bedriuwsterrein.

Sneltoetscriteria besteane út heldere ûntwerpprinsipes yn wurd en byld. De ûntwerpprinsipes geane oer de ‘pleatsing’, de ‘foarmjouwing’, de ‘mjitfiering’, en ‘materiaal en kleur’. Dêrmei jout de gemeente dúdlikheid en tips oer hoe't lytse bouplannen goed foarmjûn wurde kinne. Troch konkrete oanwizings en tips kinne ynwenners dit fluch en maklik foar harren lytse bouplannen tapasse.  

Fia dy selde fluchtoetscriteria beoardielje amtners de lytse bouplannen sels op wolstân. Dizze bouplannen wurde net trochset nei Hûs en Hiem. Dêrmei wurdt tiid besparre en witte inisjatyfnimmers gau oft sy mei harren wurksumheden begjinne meie.

Troch as inisjatyfnimmer in plan te basearjen op de fluchtoetscriteria kin it fergunningtrajekt soepel trochrûn wurde. Foar fergunningfrije bouwwurken kinne de fluchtoetscriteria goede ynspiraasje meijaan foar in moai plan.

Mear ynformaasje oer de sneltoetscriteria fine jo yn it ûndersteand dokumint (pdf).

Wolstânsnota

Wolstânstafersjoch is ea ynsteld om foar te kommen dat bouwurken de iepenbiere romte ûntsierje soene. Noch altyd wurdt by eltse oanfraach foar in boufergunning beoardiele oft it oangeande bouwwurk net yn striid is mei ‘ridlike easken fan wolstân’.

Ynformaasje oer it downloaden fan dokuminten:

  • Jo kinne in PDF-bestân iepenje yn ferskate PDF-lêzers, lykas Adobe Reader .

Sneltoetscriteria

Hjir kinne jo de fluchtoetsekritearia downloade en besjen. 

Ynformaasje oer it downloaden fan dokuminten:

  • Jo kinne in PDF-bestân iepenje yn ferskate PDF-lêzers, lykas Adobe Reader .

Hawwe jo noch fragen?

Nim dan kontakt op mei it Publykssintrum

Gemeente Opsterlân