Oanfraach kwytskelling gemeentlike belestingen

Kinne jo de gemeentlike belestingen net betelje? Dan hawwe jo miskien rjocht op kwytskelling. Yn dat gefal hoege jo de oanslach of in diel dêrfan net te beteljen. Jo kinne allinnich kwytskelling oanfreegje foar de ôffalstoffenheffing, kontenerlizzings (maksimaal € 75,00), rioelheffing en de ûnreplikguodbelesting (OZB).

Daliks regelje

Oanfraach kwytskelling gemeentlike belestingen

Jild

Faak stelde fragen oer Kwytskelling gemeentlike belestingen

  • Ik wol kwytskelling gemeentlike belestingen oanfreegje, hoe doch ik dat?

Folje hjirfoar it formulier 'Oanfraach kwytskelling gemeentlike belestingen' yn (boppe-oan dizze side ûnder it kopke 'Daliks regelje'). Hawwe jo gjin beskikking oer DigiD? Dan kinne jo it formulier ophelje by it Publykssintrum. Is dit net mooglik? Dan kinne wy it formulier ek tastjoere.

  • Ik haw in brief krigen dat ik kwytskelling krigen haw, no krij ik ek in oanslach. Moat ik no dochs betelje?

De gemeente is ferplichte de oanslach te ferstjoeren. Is it oanslachnûmer en bedrach op de brief en op de oanslach itselde? Dan hoege jo de oanslach net te foldwaan.

  • Ik haw in brief krigen dat ik gjin automatyske kwytskelling krigen haw. Moat ik no de oanslach betelje?

As jo tinke wol yn oanmerking te kommen foar in kwytskelling, dan kinne jo asnoch in oanfraach dwaan. Folje hjirfoar it formulier 'Oanfraach kwytskelling gemeentlike belestingen' yn (boppe-oan dizze side ûnder it kopke 'Daliks regelje'). Hawwe jo gjin beskikking oer DigiD? Dan kinne jo it formulier ophelje by it Publykssintrum. Is dit net mooglik? Dan kinne wy it formulier ek tastjoere.

As jo gjin kwytskelling oanfreegje dan moat de oanslach betelle wurde. Op de oanslach sels stiet hoe't jo betelje moatte.

  • Ik haw kwytskelling oanfrege/krigen by it Noardlik Belestingkantoar. Krij ik dat dan ek by de gemeente?

As jo gjin brief ûntfongen hawwe fan de gemeente dat jo kwytskelling fan gemeentlike belestingen krije, kinne jo dit asnoch by de gemeente oanfreegje. Folje hjirfoar it formulier 'Oanfraach kwytskelling gemeentlike belestingen' yn (boppe-oan dizze side ûnder it kopke 'Daliks regelje'). Hawwe jo gjin beskikking oer DigiD? Dan kinne jo it formulier ophelje by it Publykssintrum. Is dit net mooglik? Dan kinne wy it formulier ek tastjoere. In oanfraach by it Noardlik belestingkantoar jildt net foar de gemeentlike belestingen, oarsom ek net.

Betingsten

Oft jo kwytskelling krije, is ôfhinklik fan jo ynkommen en fermogen en eventueel dat fan jo partner. By de berekkening hâldt de gemeente ek rekken mei it tal húshâldingsleden (boppe de 27 jier) dêr't jo kosten mei diele kinne. Dit is de ‘kostendielersnoarm’.

Kwytskelling is mooglik as:

  • it ynkommen gelyk is oan of leger is as it sosjaal minimum.
  • der gjin sprake is fan fermogen lykas:
    • in eigen wenning mei oerwearde.
    • in auto dy't mear as € 3.350,- wurdich is, útsein as dy auto ûnmisber is foar jo wurk of troch ynvaliditeit.
    • besit of fermogen yn kapitaal-/libbensfersekering, oandielen of effekten.
  • it saldo fan alle bank- en sparrekkeningen net boppe in bepaald bedrach útkomt, ôfhinklik fan jo wenstituaasje.
  • jo net meardere kentekens op namme hawwe stean.

It oersjoch fan de noarmen foar ynkommen en fermogen kinne jo besjen yn dit oersjoch fan de VNG.

Wat moat ik dwaan?

Nei't jo de belestingoanslach ûntfongen hawwe, kinne jo online kwytskelling oanfreegje fia DigiD. Jo kinne dit it bêste sa gau mooglik dwaan.

Slacht it net om fia DigiD kwytskelling oan te freegjen? Nim dan kontakt mei ús op, dan stjoere wy jo in kwytskellingsformulier ta.

Hawwe jo de hiele oanslach mear as trije moannen lyn betelle? Dan kinne jo gjin kwytskelling mear oanfreegje.

Krije jo gjin kwytskelling?

Wurdt jo fersyk ôfwiisd en moatte jo de oanslach betelje? Dan is it altyd mooglik om in betellingsregeling oan te freegjen.

Binne jo it net iens mei de ôfwizing? Dan kinne jo binnen 10 wurkdagen berop yntsjinje.

Kwytskelling foar selsstannige ûndernimmers

Selsstannige ûndernimmers kinne allinnich kwytskelling oanfreegje foar partikuliere belestingen. Kwytskelling oanfreegje foar gemeentlike belestingen dy't betrekking hawwe op jo ûndernimming is net mooglik.

Kwytskelling foar wetterskipsheffingen

Wolle jo in oanfraach kwytskelling foar wetterskipsheffingen yntsjinje? Gean dan nei de webside fan it Noardlik Belestingkantoar. Oanfragen foar kwytskelling fan gemeentlike belestingen en wetterskipsheffingen wurde los fan elkoar beoardiele.

Wet- en regeljouwing

Lês mear oer de regels foar kwytskelling yn de feroardering kwytskelling fan de gemeente.

Mear ynformaasje

Hawwe jo noch fragen?

Nim dan kontakt op mei it Publykssintrum

Gemeente Opsterlân