Registrearre partnerskip

Betingsten en Kondysjes

• Jo binne 18 jier of âlder. By in leeftyd ûnder 18 jier is der tastimming nedich fan de âlden of fan de rjochtbank.
• Jo binne net troud en steane net ynskreaun as partner.
• Jo en jo partner binne gjin direkte famylje fan elkoar (broer, suster, âlder, pake en beppe).
• Jo foldogge oan de easken fan nasjonaliteit en wenlân.

Kosten

De kosten foar in registrearre partnerskip binne lyk oan de kosten fan it sluten fan in houlik.

Fergees registrearre partnerskip

Jo kinne yn Opsterlân in fergees registrearre partnerskip oangean op moandei- en tiisdeitemoarn om 9.00 oere. De betingsten binne:

• teminsten ien fan de partners is ynwenner fan Opsterlân;
• it registrearre partnerskip fynt plak yn in sprekkeamer, net yn it Lycklamahûs;
• der kinne maksimaal twa tsjûgen by oanwêzich wêze;
• it registrearre partnerskip bestiet allinnich út de wetlik ferplichte formaliteiten; der wurdt gjin taspraak holden.

Oanfraach

Daliks regelje

Foardat jo in partnerskip fêstlizze, moatte jo dit by ús oanjaan (krekt as yn ondertrou gean by in houlik). Folje hjirfoar it formulier 'Oanjefte registrearre partnerskip' yn (boppe-oan dizze side ûnder it kopke 'Daliks regelje') of nim kontakt op mei it Publykssintrum om in ôfspraak te meitsjen.

Nim mei

Nim it folgjende mei as jo in ôfspraak hawwe foar it oanjaan fan jo registrearre partnerskip:

• jildich identiteitsbewiis;
• de gegevens van de getuigen.