Hoe Heine Tolsma syn hûs duorsumer makke
Yn Nij Beets wennet Heine Tolsma (82) mei in soad wille yn syn hûs. In pear jier lyn besleat hy om syn wenning duorsumer te meitsjen. “Ik kocht seis sinnepanielen, en dat bliek in goede kar, want net folle letter stigen de enerzjy- en gasprizen enorm,” fertelt Heine. “Dêrom sette ik myn termostaat leger en brûkte ik in elektrysk kacheltsje om ekstra te ferwaarmjen. Dêrtroch ferbrûkte ik folle minder gas, sawat 1200 m³ per jier.”
In wenning út 1976
Hoewol't Heine al in soad besparret, hat syn hûs noch wol wat útdagingen op it mêd fan duorsumens. “It hûs is boud yn 1976 en is net goed isolearre,” leit hy út. “De muorren en de flier hawwe hast gjin isolaasje, en yn it dak sit in tin laachje fan 4 oant 5 sintimeter. Ik haw sels noch de plafonds boppe de sliepkeamers isolearre.”
In triuwke yn 'e rêch fan 'e gemeente
Heine stie iepen foar fierdere ferduorsuming, mar woe dit allinnich dwaan as it ek de wearde fan syn wenning ferheegje soe. Fia de gemeente kaam hy telâne by de isolaasjeaksje. “Der is in rapport fan myn hûs makke. Dêryn stie dat ik it bêste myn flier en muorren isolearje koe, en dat ik ek in pear ramen mei âld dûbelglês ferfange koe troch HR++ glês,” seit hy.
Mei dizze oanbefellings gong Heine oan de slach. “Ik haw offertes opfrege by in lokaal boubedriuw dat gearwurket mei in natuerfreonlik isolaasjebedriuw. It isolearjen fan de flier mei PUR kostte € 1851,- en de muorren isolearje kostte € 1919,-. It ferfangen fan it glês kostte € 3550,- Dizze maatregels haw ik doe earst útfiere litten.”
Subsidies meitsje it ferskil
Heine wist de kosten goed te dekken mei subsydzjes. “Fan de gemeente krige ik € 2177,- subsydzje. Dêropta krige ik fanút de provinsje noch in ekstra subsydzje fan € 2500,- én fia de ISDE-subsydzje € 800,- werom. Alles byinoar ha ik de ynvestearring hast hielendal betelje kind mei subsydzjes,” fertelt hy entûsjast. “Dêr bin ik tige bliid mei.”
Help fan enerzjyferkenner en enerzjycoach
De stipe dy't Heine krige tidens dit traject wie foar him erg weardefol. “Energieverkenner Bas Tromp en een vrijwillige energiecoach hebben mij meerdere keren bezocht. Zij hebben me echt goed geholpen. Dankzij hun advies en ondersteuning kan ik mijn huis verduurzamen én tegelijkertijd de waarde van mijn woning verhogen.”
Sels oan de slach
Heine hopet dat syn ferhaal oaren ynspirearret om ek stappen te setten. “Ik bin bliid dat ik dizze stap sette kin en hoopje dat oaren ek gebrûk meitsje fan dizze mooglikheden”. Der binne in soad manieren om jo hûs duorsumer te meitsjen, faak mei mear subsydzje as jo tinke. Oerweegst sels om jo wenning duorsumer te meitsjen? Sjoch dan op energieinopsterland.nl/isolaasjeaksje foar mear ynformaasje en ûntdek hokker mooglikheden der foar jo binne. Sa as Heine Tolsma bewiist: duorsume stappen sette is net allinnich goed foar it miljeu, mar ek foar jo beurs.
