23. (Fh.) Rehoboth
Oer it tsjerkje oan de Van Akenwei is mar in bytsje bekend. It waard om 1905 hinne boud. It rekke bûten gebrûk yn 1970 en hat doe jierrenlang tsjinne as opslachromte. Nei't it yn ferfallen steat rekke, is it nei jierren fan leechstân grutskalich ferboud.
Tsjerkebeskriuwing:
- Lizzing: Oan trochgeande wei yn doarp
- Jiertal: 1905
- Boutype: Sealtsjerke
- Oerflak: 151 m2
- Denominaasje: Herfoarme evangelisaasje
- Hjoeddeistige funksje: Wenje
Skaaimerken fan de tsjerke
| Eigner | Partikulier |
| Adres, postkoade | Van Akenwei 43, 9248 ST |
| Monumintstatus | Nee |
| Arsjitekt | Unbekend |
| Boustyl | Eklektysk |
| Fêste objekten en muorkunst | Unbekend |
| Begraafplak | Nee |
| Terrien | Rjochthoekich perseel oan trochgeande wei. |
| Berikberens en parkeargelegenheid | Beheinde parkeargelegenheid. Berikberens is ridlik, oan in trochgeande haadwei binnen it doarp. |
| Boarnen | Ryksdienst foar it Kultureel Erfgoed Dossier gemeente Opsterlân. |
It ferhaal fan de (Fm.) Rehoboth
Oer it tsjerkje oan de Van Akenwei is mar in bytsje bekend. It waard om 1905 hinne boud. It rekke bûten gebrûk yn 1970 en hat doe jierrenlang tsjinne as opslachromte. Nei't it yn ferfallen steat rekke, is it nei jierren fan leechstân grutskalich ferboud.
It betreft in ienfâldich gebouke mei in sealtek en rûnbôgefinsters yn de sydgevels. Yn de foargevel en eftergevel is in rozetfinster oanbrocht. Oarspronklik hie it gebou in dakruter.
Yn de gevel siet earder in dûbele doar. Dy is letter ferfongen troch inkele fjouwerkante finsters. Yn de sydgevel oan de súdkant is in rûnbôgefinster fuorthelle en is in foardoar pleatst op it plak fan it twadde rûnbôgefinster. Der binne yn dy sydgevel noch fjouwer rûnbôgefinsters oanwêzich. Yn de oare sydgevel binne de fiif oarspronklike rûnbôgefinsters noch altyd sichtber. Op inkele plakken binne finsterlûken pleatst.
It sealtek is bedutsen mei swarte dakpannen. Oan de súdkant is in dakkapel boud. De byhearrende skuorre yn de tún efter it tsjerkje hat deselde rozetfinsters.
It gebou docht no tsjinst as wenning.