5. Untmoetingstsjerke
De earste grifformearde tsjerke fan Beetstersweach en Olterterp waard boud yn 1925 oan it Tsjerkepaad East. Fanwegen it te lyts wurden fan it gebou waard besletten in nij tsjerkegebou te bouwen. De nije Moetingstsjerke waard ûntwurpen troch de arsjitekten G. Groenewold en Sipma.
Tsjerkebeskriuwing:
- Lizzing: Yn wenwyk
- Jiertal: 1966
- Bouwtype: Weropbou
- Oerflak: 985 m2
- Denominaasje: Grifformeard (oarspronklik)
- Hjoeddeistige funksje: Religieus
Skaaimerken fan de tsjerke
| Eigner | Tsjerkegenoatskip |
| Adres, postkoade | Efter de Hiemen 41, 9244 BP |
| Monumintstatus | Gjin |
| Arsjitekt | G. Groenewoud en Sipma |
| Boustyl | Modernisme/weropbou |
Nagelfêste objekten en wandkeunst | Logo en namme útfierd yn cortenstiel. |
| Begraafplak | Nee |
| Terrien | De tsjerke leit sintraal yn in wenwyk mei genôch parkeargelegenheid. |
| Berikberens en parkeargelegenheid | Sintraal lein yn wenwyk. Goed berikber. Genôch parkeargelegenheid. |
| Boarnen | www.viapacis.nl Stichting CultBee |
It ferhaal fan de Ontmoetingskerk
De earste grifformearde tsjerke fan Beetstersweach en Olterterp waard boud yn 1925 oan it Tsjerkepaad East. Fanwegen it te lyts wurden fan it gebou waard besletten in nij tsjerkegebou te bouwen. De nije Moetingstsjerke waard ûntwurpen troch de arsjitekten G. Groenewold en Sipma. De earste stien waard lein op 1 oktober 1966 troch dû. J.J.R. Baas. Foar de bou waard oannimmer Klaver út Drachten ynset. Tegearre mei in protte frijwilligers waard de bou útfierd. Op 22 maart 1967 fûn de offisjele iepening plak.
Yn 1984 is it gebou útwreide en waard der in nije oanbou realisearre, nei in ûntwerp fan arsjitekt Kijlstra út Beetstersweach. Oannimmer Talsma út Beetstersweach fierde de bou út yn gearwurking mei in protte gemeenteleden. Dit diel fan it tsjerkegebou waard yn 1986 yn gebrûk nommen.
Yn de jierren tachtich fan de tweintichste iuw waard der yn de toer in lytse opbierromte makke. Dizze waard yn 2015 modernisearre en der waard in ûntfangstromte oan it gehiel tafoege. Yn de eastlike bûtenmuorre waard in tagongsdoar oanbrocht en is der in trochgong mei toilet fan it poadium nei de ûntfangstromte realisearre, wêrtroch't it mooglik waard om ek mei gruttere groepen it tsjerkegebou te besykjen. Yn 2015 is ek in tsjerklik buro boud yn en oan de toer en in grutte argyfkast op it poadium.
Yn 2019 binne der tal fan oare oanpassingen en útwreidingen dien yn en bûten de tsjerkezaal. Der is grut ûnderhâld dien oan it dak fan de tsjerkezaal en ek fan de moetingsromte.
Der binne 204 sinnepanielen op de dakken oanbrocht en it dak is dêrfoar ferstevige. Ek waard der in berging foar opslach boud oan de westkant fan it gebou, dy't tagonklik is fia in nij makke doar njonken it poadium. Ek waard der in nij raam pleatst oan de westkant yn de tsjerkezaal.
It ynterieur waard yn 2019 ek oanpast. De muorren oan de westlike en noardlike kant waarden wyt skildere. It liturgysk sintrum waard opnij ynrjochte en krige in lytser preekstoel. De houten doarren yn de gong waarden ferfongen troch glêzen doarren. Efteryn de tsjerkezaal waard in betinkingshoeke yn de muorre makke.
It oargel is boud troch de firma Pels en Van Leeuwen út Alkmar. It waard op 28 april 1972 yn gebrûk nommen en yn 1991 skjinmakke en útwreide.
Der wurde wykliks tsjerketsjinsten hâlden. Ek wurde der regelmjittich konserten en gearkomsten organisearre.