Húsfesting statushâlders
Yn Opsterlân hawwe wy de opdracht om statushâlders te húsfestjen en om Oekraynske ûtheinen op te fangen. Aktuele ûntwikkelingen oer de húsfesting fan statushâlders kinne jo lêze op de ûndersteande tiidline.
Aktuele ûntwikkelingen oer de opfang fan Oekraynske ûtheinen fine jo hjir.
Tiidline
Ofsluten: Ried nimt beslút oer de Twirre -
De gemeenteried stimde tsjin it foarstel om 12 apparteminten te bouwen, wêrfan 6 foar statushâlders binne.
Ofsluten: Fersyk gemeenteried om ekstra ynformaasje -
It kolleezje hat de gemeenteried frege om akkoart te gean mei 12 apparteminten: 6 foar statushâlders en 6 foar oare wenninghifkers.
De gemeenteried hat it foarstel besprutsen en wol earst mear ynformaasje foardat sy in beslút nimt. Yn de gearkomste fan 15 desimber is ôfsprutsen dat de ried op 26 jannewaris 2026 in beslút nimt oer de takomst fan de Twirre.
Ofsluten: Beslútfoarmjende riedsgearkomste -
Der wurdt troch de ried besletten oft der 12 apparteminten realisearre wurde yn de Twirre.
Ofsluten: Oriïntearjende riedsgearkomste. -
De gemeenteried besprekt it foarstel fan boargemaster en wethâlders tidens de oriïntearjende riedsgearkomste.
Ofsluten: Ynrinbyienkomst yn De Wier -
Tidens de ynrinkgearkomste foar ynwenners fan Oerterp is der gelegenheid om fragen te stellen oer it lêste foarstel.
It foarstel is om de lokaasje fan de Twirre te ferbouwen ta 12 apparteminten:
- 6 apparteminten foar statushâlders
- 6 apparteminten foar oare wenningzoekenden
Ofsluten: Fragen en antwurden ûndersyk trochstreamlokaasje De Twirre
Op 4 febrewaris 2025 hat de gemeente Opsterlân in ynformaasjebyienkomst organisearre om't wy ûndersykje sille oft it leechsteande skoalgebou de Twirre geskikt wêze kin as trochstreamlokaasje. In trochstreamlokaasje is in lokaasje dêr't statushâlders tydlik wenje kinne yn ôfwachting fan in wenning yn de gemeente Opsterlân of yn in buorgemeente.
Tidens de ynrinbyienkomst oer dit ûnderwerp op 4 febrewaris hawwe de ynwenners fan Oerterp fragen steld en harren soargen utere. De fragen en antwurden hawwe wy yn dit ferslach bondele.
Ofsluten: Undersyk mooglike trochstreamlokaasje
De gemeente ûndersiket yn Oerterp oft de lokaasje fan De Twirre geskikt is as trochstreamlokaasje. It giet dan om in lytsskalige trochstreamlokaasje foar 25-50 bewenners. Mocht dizze lokaasje geskikt wêze, dan ferwachtsje wy dat de lokaasje begjin 2026 yn gebrûk nommen wurde kin.
Ofsluten: Ikenhiem: Wat sil der no fierder barre?
De gemeente kin it pân no keapje en sjen wat der krekt ferboud wurde moat sadat der statushâlders wenje kinne. Statushâlders binne minsken dy't asyl oanfrege hawwe yn Nederlân en dat ek krigen hawwe. Se hawwe rjocht op in (sosjale hier)wenning, mar ferbliuwe noch yn in asylsikerssintrum om't der net genôch wenningen binne. Yn in trochstreamlokaasje kinne minsken tydlik wenje. Dêrnei is it de bedoeling dat se ferhúzje nei harren wenning yn ferskate gemeenten yn Fryslân.
Ofsluten: Plannen foar trochstreamlokaasje Ikenhiem kinne troch nei de folgjende faze
De gemeenteried fan de gemeente Opsterlân hat op 24 febrewaris stimd oer it jildbedrach dat nedich is om troch te gean mei de trochstreamlokaasje Ikenhiem yn Beetstersweach. Dit betsjut dat de gemeente trochgean kin mei it realisearjen fan in trochstreamlokaasje foar 80 statushâlders.
Ofsluten: Gemeenteried stimt foar trochstreamlokaasje Ikenhiem -
De gemeenteried hat justerjûn 30 septimber ynstimd mei it foarstel om Ikenhiem te keapjen. De gemeente wol hjir in trochstreamlokaasje fan meitsje foar statushâlders.
Ofsluten: Besprek fan mooglike trochstreamlokaasje tidens oriïntearjende riedsgearkomste -
Moandei 16 septimber hat de ried in oriïntearjende riedsgearkomste hân oer ferskate ûnderwerpen. Ien dêrfan wie de mooglike trochstreamlokaasje yn Beetsterzwaag.
In oriïntearjende gearkomste hâldt yn dat riedsleden fragen stelle kinne oan de boargemaster, de wethâlders en de amtners oer bepaalde ûnderwerpen. Dêrtroch witte riedsleden alles wat se witte wolle oer in bepaald ûnderwerp en kinne se tidens in folgjende gearkomste dat ûnderwerp noch better beprate en der wol of net mei akkoart gean.
Ofsluten: Kollege fan B&W freget kredyt oan by gemeenteried foar ûndersyk lokaasje Ikenhiem -
It Kolleezje fan B&W is fan doel om de soarchlokaasje Ikenhiem fan ZuidOostZorg te oernimmen en tydlik yn te setten as trochstreamlokaasje foar statushâlders. Statushâlders binne minsken dy't yn Nederlân asyl oanfrege hawwe en dêrnei in ferbliuwsfergunning krigen hawwe. De soarchlokaasje Ikenhiem komt leech te stean yn ferbân mei nijbou.
Ofsluten: Ferslach ynrinbyienkomst trochstreamlokaasje Beetstersweach -
Likernôch 70 ynwenners wiene oanwêzich by de earste ynrinbyienkomst oer de mooglike trochstreamlokaasje foar statushâlders yn Beetsterzwaag. De gemeente ûndersiket op dit stuit oft de soarchlokaasje Ikenhiem geskikt is foar tydlike húsfesting fan statushâlders.
Ofsluten: Ynrinbyienkomst foar omwenners Ikenhiem en ynwenners Beetsterzwaag -
Ynrinkonsultaasje foar omwenners oer de mooglike oankeap fan Ikenhiem mei as doel in trochstreamlokaasje foar statushâlders.
Noch te dwaan: Opstarten partisipaasjetrajekt mei direkte omwenners
Opstarten partisipaasjetrajekt mei direkte omwenners
Mear ynformaasje
Wolle jo mear witte oer de húsfesting fan flechtlingen en opfang fan Oekraynske ûtheimden?
Hawwe jo fragen?
Hawwe jo fragen oer dit ûnderwerp? Stjoer dan jo berjocht nei huisvestingvluchtelingen@opsterland.nl.
